“Anima e core” D’Esposito

Nuje ca perdimmo ‘a pace e ‘o suonno,
nun ce dicimmo maje: pecché?
Vocche ca vase nun ne vonno,
nun só ‘sti vvocche oje né’!
Pure, te chiammo e nun rispunne
pe’ fá dispietto a me.
Tenímmoce accussí: ánema e core,
nun ce lassammo cchiù, manco pe’ n’ora,
stu desiderio ‘e te mme fa paura,
campá cu te,
sulo cu te,
pe’ nun murí!
Che ce dicimmo a fá parole amare,
si ‘o bbene po’ campá cu nu respiro.
Si smanie pure tu pe’ chist’ ammore,
tenímmoce accussí….ánema e core!
Stu desiderio ‘e te mme fa paura,
campá cu te,
sempe cu te,
pe’ nun murí.
Che ce dicimmo a fá parole amare,
si ‘o bbene po’ campá cu nu respiro.
Si smanie pure tu pe’ chist’ ammore,
tenímmoce accussí….ánema e core!

“Anima e core” D’Esposito